मोरङको उर्लाबारी नगरपालिकामा फागुन १५ गतेदेखि दोस्रो अन्तरपालिका भलिबल प्रतियोगिता हुने भएको छ ।
उर्लाबारी युवा क्लबको आयोजनामा उर्लाबारी–६ स्थित राधिका माध्यमिक बिद्यालयको खेलमैदानमा सो प्रतियोगिता हुने भएको हो । नगरपालिकाको मुख्य प्रायोजनमा हुन लागेको प्रतियोगितामा कुल अनुमानित खर्च पाँच लाख उनान्नब्बे हजार रहेको छ । जसमा नगरपालिकाले एक लाख पचास हजार विनियोजित गरेको र अन्य चार लाख उन्नचालिस हजार रुपैयाँ अन्य प्रायोजकहरुबाट संकलन गरिने क्लबका अध्यक्ष तुलबहादुर थापाले जानकारी दिनुभयो । त्यस्तै, उक्त प्रतियोगितामा झापा, इलाम, मोरङ गरी तीन जिल्लाका १४ पालिकाको सहभागी रहने आयोजकले जनाएको छ । बिजेता टिमलाई एकाउन्न हजार र उपविजेता टिमलाई पच्चिस हजार नगद पुरस्कार राशीसहित मेडल, प्रमाणपत्र र ट्रफी प्रदान गरिने खेल संयोजक विशाल गुरुङले बताउनुभयो । फागुन १५ देखि सुरु भएर उक्त प्रतियोगिता ४ दिन सम्म चल्ने छ।
