उर्लाबारी,
मोरङको उर्लाबारी -४ मा रहेको उर्लाबारी बहुमुखी क्याम्पसमा आज अखिल (क्रान्तिकारी) क्याम्पस कमिटीको १० औं क्याम्पस सम्मेलन सम्पन्न भएको छ ।
नेकपा माओवादी केन्द्रका केन्द्रीय सदस्य विशेन्द्र चेम्जुङको प्रमुख आतिथ्यतामा भएको उक्त सम्मेलनमा विशिष्ट अतिथिमा अखिल(क्रान्तिकारी) केन्द्रिय सदस्य तथा मोरङ जिल्ला अध्यक्ष नगेन्द्र घिमिरे त्यस्तै अतिथिहरुमा नेकपा माओवादी केन्द्र उर्लाबारी नगर शैक्षिक विभाग प्रमुख तथा उर्लाबारी बहुमुखी क्याम्पस संचालन समिती सदस्य रमेश श्रेष्ठ , नेकपा माओवादी केन्द्र उर्लाबारी वडा न. ४ कमिटी अध्यक्ष तथा उर्लाबारी बहुमुखी क्याम्पस ब्यवस्थापन समितीका सदस्य मिलन दाहाल , अखिल( क्रान्तिकारी) केन्द्रीय नेताहरु सरोज किराँती , पुष्कर भट्टराई , उमेश सेन्चुरी , दिपेश परियार र अनिल अधिकारी लगायतको उपस्तिथि रहेको थियो ।
सम्मेलनबाट उग्रेन घिसिङ अध्यक्षमा चयन भएका छन भने सचिवमा रक्षा दाहाल लगायत ४२ सदस्यीय कमिटी गठन गरिएको छ ।
उक्त सम्मेलनमा कार्यक्रमका प्रमुख अतिथि नेकपा माओवादी केन्द्रका केन्द्रिय सदस्य तथा प्रखर नेता विशेन्द्र चेम्जुङ्गले शुभकामना तथा मन्तव्य राख्नुभएको थियो ।
त्यस्तै विद्यार्थी नेता नगेन्द्र घिमिरे , रमेश श्रेष्ठ लगायतले शुभकामना मन्तव्य राख्नु भएको थियो। उक्त सम्मेलन कार्यक्रम दिपेन्द्र बिस्वकर्माले संचालन गरेका थिए ।
