उर्लाबारी । पुर्व पश्चिम राजमार्ग स्थित मोरङको उर्लाबारी सडक खण्डमा परेका ठुलठुला खाल्डाखुल्डीका कारण आज बुधबार साझ दुर्घटना भएको छ । 
खाल्डाखुल्डीका सडकमा कुद्ने सवारी साधन अनियन्त्रित भई दुर्घटना हँुदा २ जना घाईते भएका छन् । बुधाबार साँझ ९ बजेको समयमा उर्लाबारी सत्यसाहि पेट्रोल पम्प आगाडी सडकमा परेका खाल्डाखुल्डीमा मोटरसाईकल र एम्वुलेन्स एक आपसमा ठोक्किदा मोटरसाइकलम सवार दुई जना घाईते भएका छन् ।
घाईतेहरुको परिचय खुल्न सकेको छैन् । मोटरसाईकमा सवारी पछाडी बस्ने महिला घाईते भएको एक प्रत्यक्षदर्शीले बताए । सडक दुर्घटनाका विषय थप जानकारी लिन ईलाका प्रहरी कार्यायलय उर्लाबारीमा टेलिफोन गर्दा पुर्ण जानकारी नआइसकेको प्रहरीले जनाएको छ ।
सडकमा परेका खाल्डाखुल्डीका कारण पुर्वपश्चिम राजमार्गमा ओहोरदोहोर हजारौँ यात्री र सवारीसाधनले सास्ती खेप्दै आएका छन् । समयमै खाल्डाखुल्डी पुर्न र सडक मर्मत गर्न तर्फ ध्यान दिइएन भने, दुर्घटनाको जोखीम झनै बढेर जाने देखीन्छ ।
