उर्लाबारी । आउँदो मंसिर ४ मा हुन गईरहेको चुनाबमा संघिय संसद प्रत्यक्षतर्फ मोरङ २ मा स्वतन्त्रबाट ठगेन्द्र न्यौपानेले उम्मेदवारी दिने भएका छन् ।
सञ्चारकर्मीसँग कुराकानी गर्दै उनले उम्मेदवारी पक्कापक्की रहने जानकारी दिएका हुन् । लामो समय देखि जीवन नै समाज सेवा र जनताको सुखदुःखमा समर्पित गर्छु भनेर राजनीतिमा लागेको न्यौपाने बताउछन ।
ठगेन्द्रले भने ‘अबको नेतृत्व भनेको अग्रजलाई सम्मान गर्दै युवालाई नेतृत्व हस्तान्तरण गर्नु पर्ने अवस्था पनि आएको छ। मोरङको माटोमा हुर्किए त्यसैले यहाँको समुदायको समस्या बुझेको छु। उमेरले पनि युवा छु देश र समाजकालागि पनि केही गरौँ भन्ने भावना छ।त्यसकारण पनि जनताले विश्वास गर्ने कुरामा विश्वस्त भएको हुँ।’ उनले प्रष्ट रुपमा भने–भ्रष्टाचारको अन्त्य र सुशासन कायम गर्न राजनीति गर्ने हो ।
यसक्षेत्रको बिकास गर्नु मेरो उत्कट चाहाना हो । उनले शिक्षा,सञ्चार सडक र स्वास्थ्य नागरिकको पहुँचमा पु¥याउन सके गरिवीको अन्त्य हुने बताउँदै अबको मिशन चार ‘स’मा केन्द्रित हुने बताए ।
